 |
Questa pagina a no l'è stæta corretta. | |
40.
Muze, ma tosto, è, tempo
D’appende in dáse l’ultimo sarúo,
Ra Chitarra a l’agúo,
Che Apollo zà me dè per passatempo;
Ro Patron dra Fregatta
N’aspeta in Carma chiatta
A gove un vin raspante, chi pertuza
Apupinto fæto per soná ra Muza.
41.
In Barca donca à ruóeo,
Tutti à beive, oh’ che vin, brindexi à Giano,
Monte Papaliano,
Vegne l’atro fiasco, questo, è, vueo:
Oh’ che piccante hà questo!
Brindexi à chi l'ha pesto;
Brindexi à ra memuoeria dro Governo
Dro nostro Duxe Spinnora in eterno.
