 |
Questa pagina a no l'è stæta corretta. | |
30.
In Cittæ de si cara
Libertæ comme zà stæte introdute;
A Paraxo condute;
In Sala stabilia per governara,
In Trono à Sedie, e Strati
De Senatuoi Togati,
Onde ro Stato se governa, e reze
Eroe si Grande, Muze, virei seze.
31.
Signor Grave all’aspetto
Per Maestæ, che à Maestæ nò cede:
Ma in quanto à ro concede,
Benigno, quanto pin tutto d’affetto;
Retræto, a, Mappamondo
Dra cortesia dro Mondo;
Dæto à Giano per Spegio e per Figura
Originá dre Gracie dra Natura.
