 |
Questa pagina a no l'è stæta corretta. | |
Sunt huius vitæ fructus.
Muoè ri Papi, ri Rè, muoè ri Imperoei
Tanto ghe schuggia com'un Iro, un Crasso
Morte no mira à dignitæ ni graei*
Ogn'un lascia ra soma a questo passo.
Donca senza fracasso
In paxe pe ro manco
Per no puoeine de manco,
E per raxion de Stato,
Perche quello chi ven ne ven de dato;
Tutto in vui ressignoù
Piggiè ve priego in groù
L'amarissima nueva, che ve porto
L'Aze Patron Carissimo l'è morto.
A ro men stò conforto
Ghe reste, che in stà grave infermitæ
Ro Padre l'hà trattoù, com'un sò fræ,
E con gran caritæ
Per vei de poei sarvaghe ra Peliza
O n'hà lascioù manghaghe* l'herba nizza
Ne ve viegne ra stizza
Per Meistro Zorzo ancon, chi l'hà mieghoù
Fin ri ponti dra Lunna ò l'hà osservoù
Ra venna ò gh'hà scioroù
