 |
Questa pagina a no l'è stæta corretta. | |
Ho faeto i gargarismi cö vapöre
e m'han rimisso ûn po de quarche ton...
Sto clima, veramente, càe scignore,
l'é pe-i cantanti i 'na disperazion.
Cantiö pe ûn'âtra votta ö Trovatore... –
– Fasciôu drento 'na balla de cotton?!...
Ö PRAEVE ZEMBO
Sciâ scûse, reverendo, ma no posso
ëse d'accordo in scimile argomento:
saiö, cömme sciâ dixe, ûn ortodosso,
ma logico no trêuvo quanto sento.
No gh'é 'n'â faccia paegia in mezo a çento
chi ha ö naso rebeccûo e chí l'ha grosso,
chí é bello da baxâ, chi fa spavento,
chí é magro cömme ûn picco e chi ûn colosso.
Pe ëse faeti a immagine de Dïo
a differenza a l'é troppo evidente;
perciò mî, reverendo, a 'sto regïo
de frasi no ghe creddo ûn aççidente...
E poi, sciâ me permette, o fiö avvertïo:
con quello zembo lì, no l'é prûdente!...
