Pagina:Cansonetta do scio Reginna 1832.djvu/9

No ghe n'han colpa nisciun-na,
No gh'ëa in Ciappa de Sunnoeì!

Segue a terza Compagnia
Da Madonna da Fortun-na,
Miæ che Croxe greminìa
De recammi belli fin
In argento soprafin,
Canti ricchi e ben pesanti,
Con sei longhe torcie avanti.
Segue e Cappe gianche ai Fræ
In derrê un pö ciù arrughæ,
Con superbi Tabarrin
De velûo bello turchin,
In argento recammæ,
Conçerton chi fà allegria
De Sunoei tutti milïa.

San Leonardo apprêuvo ven,
Ch'a l'è a quarta Compagnia:
Miæ un pittin comme stà ben
Quelli belli Tabarrin
De velûo rosso, inciastræ
Tutti d'öu, ben travaggiæ