 |
Questa pagina a no l'è stæta corretta. | |
Comâ caa, piggiæ o pessotto
E vestîve in punto d'öa
Che sciortiemo de bon'öa
Mi portiö buttiggia, e gotto
Per fâ un brindixi ä Cazassa
De San Giacomo de Prê,
Che anchêu o và a S. Bertomê;
Ma spicciæve, o tenpo o passa.
No cianzeì ciù, Cazassanti,
Recillæve, Dilettanti,
Finalmente a l'è finïa
De Cazasse a carestïa,
Che i Leonardi han rotto a giassa,
E se fan un grande onô
Co-a Sciortìa do vëo Maggiô;
Comâ, presto andemmo in ciassa
A piggiâse e careghette
Curre e genti invexendæ,
Pa[an da-e veste assagguggiæ]
No[se san ciù dove mette;]
