 |
Questa pagina a no l'è stæta corretta. | |
Cappe gianche comme o læte,
Tutte nêuve apposta fæte,
Tabarrin neigri in velûo
Du[sic] ciù neigro, l'han çernuo,
Recamæ con öu de Franza,
Ma con semplice elleganza;
Quanta seja l'è per l'aja,
No s'è dæto mente ae speize,
Vintiquattro torcie açeiçe[sic],
De grandessa straordinaja,
Quanto lusso, e profuxion!
Mi m'attasto se ghe son,
Duî conçerti a uso de Prê,
Un d'avanti, e un de derrê,
Quello ä testa o l'è, mincioni!
Do famoso sciô Belloni,
L'atro ä cöa de Facchinetti:
Stæ a sentî che ritornelli
Deliziosi, nêuvi e belli,
Pin de gighe e rebighetti,
Non ve dan proprio piaxeì?
Dæ un pö mente aoa a-i Portoeì
