 |
Questa pagina a no l'è stæta corretta. | |
[in] le persecucioin, in le fatiche, in le vigilie, in li zezunij, in sciencia, in longanimitai, in Spiritu Santo, in caritai non ficta, in la parola de veritai et in la vertue de Dio. Non seano inter voi boxie: lo homo boxardo si è abomineive davanti da Dio, qui è soma veritai, e la boxia si è uno ostaculo de la veritai. Fuzete o ogni parola ociosa, imperzò che de ogni parolla ocioxa e vanna renderemo raxon a Dio. Amai lo silencio, imperzò che onde si è lo molto parlar, lie si è spesso le boxie. Et donde è boxie, li si è lo peccato. In la bocha de lo religioxo non sia parola, in la qual non sone lo nomen de Christe, perzò che quelo qui dè meditar alla divina leze non dè andar allo consegio de li impij ni in la via deli peccatori, anti dè esser como bono erboro piantao apreso de l'aigua, le cui fogie non cazeno, ma rendeno fruto alla sua saxon et tute le soe operacioin abiano per prosperitai semper. Per certo niuna cossa tanto noxe allo homo come la malla compagnia: tal deventa lo homo como cum quello lo quar uxa. Mai lo lupo non uxa cum l'agnello, sarvo per devorarlo. Lo homo casto guardasse de la compagnia de lo homo luxurioso. Ancora io me penso che monto imposibel
è che l'omo longo tempo possa viver, ni permanere in bone operacioin
