 |
Questa pagina a no l'è stæta corretta. | |
quando porresi tu satisfar a tanta bontai, et a tanta benignitai, quante biasteme lo segnor audiua da li zue, e quanti oprobrij gi faxeiuan, e tamen lo doce christe si pregaua per elli a so payre digando, O paire me cellestial perdonali che elli no cognossem lo mar che elli fam, se ell e de to piaximento.
Stagando christe in lo tormento che e u o cointao in la caxa de caifas, la uergem maria si andaua per la terra, cerchando spiando & demandando nuouella de lo so figio, e como ella se aprosimaua allo paraxo de cayfas, ella si se acosta e si odi(r) lo remor et lo criar della gente, e lle uoxe delli zue. Et lantora la dona zoe la uergen maria si ihama la madareina, e ssi ge disse, o dolce sorella andemo presto, che e creo che [lo] to maistro sea in questo luogo, e lantora la madareina si se acosta, onde elle odiuan como li zue lo biastemauan, e si lo marexiuan. Et lantora ella si incomenza a criar in alta uoxe dauanti alla porta de cayfas per che gi fosse auerta
