 |
Questa pagina a no l'è stæta corretta. | |
Castissime Reginne,
Oura esplicá senza ro vostro agiutto?
Dunca à un tanto sequéro,
Mentre fasso da vuoi nuoevo recorso,
Renové ro soccorso
Vuoi dro favó dre quaé tanto me vuæro,
Mentre à ra mente sento in l’inspiráme
Perchè parle così, così parláme.
12.
Agostin ro Grandissimo, ro Primmo
In sò Ceppo, e Famiggia
Dro Duxégo ancon figgia,
Duxe, e Rè come rammo chiù sublimmo;
Agostin, trà quent’atri
Zena sò Moære ha figgi
Da ri puri, e zenziggi
Scoeggi, ch'à re suoe Glorie son Teatri,
A nissun nì segondo, nì despari,
Quant'oura in dignité primmo dri pari.
13.
Giusto, intrepido, e savio quanto forte;
Magnanimo, sincero;
Dra schettessa, e dro vero
Tanto zelante, quanto amigo à morte;
Sensa passion nissunna,
