 |
Questa pagina a no l'è stæta corretta. | |
Si mè lascio imbarcame,
Dà quella che m'hò in ti gran confianza;
Ti gh'e tì assì impegnà con rà tò lanza;
L'è tutto tò (nò gh'è che dí) rò paeize,
Che stò Duxe Zeneize
Dee reze per tò quinto, e dee deffende,
Comme ò l'hà ancon per faro cuó da vende.
3.
Questo so è un hommo rero dè cervello,
Chi se sà contegní con rè passoin;
Chi cognosce rì boin,
Chi fà batte à livello
Con tutti rà raxon, chel'è aviao
A manezzá governi dè chiù grao;
Poeran nasciue per lé re preminenzie;
Re tente esperienzie
Dre cose che passé son per sò man,
Nò l'azan dè chiù in cé, perche nò san.
4.
S'ò zè à Romma Ambasciao, Pappa Griguo,
L'è d'ammirá ra stimma ch'ò nè fè;
Sè in Franza, quello Rè,
Quanto moé dí sè puo
L'accarezzá con tutti quelli honoi
Che son devui ari chiù gren segnoi;
Donde in amó s'unin per mezo sò
Zena, e Franza, per zò
