 |
Questa pagina a l'è stæta corretta. | |
anno 1475 ( 202 )
che in noi fose dubio alcuno ma semper lo confortamo a deveire descasare lo dito segniore Eminec persuadandoge che ello no era segnor chi feise per lo suo imperio, e de questo remazemo d'acordio, e così è seguito che se susità Saitech figio de condan Mamacho olim segnor de campagna e s'è faeto vegnir verso le parte de l'altro Lordo verso la Tanna. È ve[g]nuto che ello è staeto in Caffà cum salvo conduto, abiamo adoperato con lo imperao ita et taliter che Eminec se n'è fugito de campagna, crediamo sia andaeto verso Zichia, o veramenti verso la Tana, in li quali lochi s'è miso insidie sufficiente a lui, persochè ello è con pochi homi, videlicet da xx in xxv. Credo che Deo permeterà [che] le cose capiteran bene.
Stagando la cosa in questo termen solicitamo che lo imperao vegnisse una altra vota in Caffà con li soi segnori, e così è seguito che ello è ve[g]nuto in questa terra e g'è sta[e]to jorni otto, in lo qua tempo noi con ello con volontae de li segnori soi s'è elletto novo segnor de campagna, lo quale è staeto Saitec figio de quonda Mamac. Tuta la terra se contenta de la ellection soa e così la piu parte de li segnori de campagna. Spero in Deo de chì avanti serà paciffico piu che no è restato fin a chì.
Notiffico ancora a le vostre segnorie como a la prima ve[g]nuta de lo imperao in Caffà, de comission e requesta soa e de Eminec fo preizo per li lor messi con lo braso nostro doi cavi de parti de li Sarra, chi son doi fradeli chi se iaman Mur e [...]. Li quae son cavi de Sarra inimixi de lo imperao, li amo mandae in Sodaia im lo castello de sancto Elia e lì li tegnimo con bonna guardia. Poscia è seguito che la ultima vota che è ve[g]nuto lo imperao in Caffà, no fiandose de uno so fradelo de etate de ani xviii in xx, avanti che ello se sea partio de le Charchere per vegnî in Caffà, ello a preizo lo dito so fradelo iamato Mulchamam e ello in personna propria lo a conduto a lo Sembalo, e lì è sta[e]to miso in castelo de ordine e comission nostra, onde ello sta ben guardato.
Tute queste cose sum faete per sostegnî e mantegnî lo imperao, lo qua e tanto ben dispozo inver de noi quanto mai se posa dî, e per questo asochè Caffà se mantegna in opinion che tuto so che volle Caffà se fa. Per questo s'è fa[e]to tute queste cose chi son de grandissima utilitae a questa terra. Se amo avuto fin a chì de li travagi e de le tribulatioim, spero che in lo avegnî mediante la divina gratia averemo conforto, abondantia e alegresa, persò che in campagna le vi-
