Pagina:ASLSP.VII.2.1879.A.Vigna.djvu/206

anno 1475 ( 200 )

ren far capeluti in questa vostra citae e acquistar con drito o torto dinari e ogni sua intention. Spero in Deo ge debia provedei che chi farà male a questa citae serà punito de li soi demeriti.

Fin a chì me o da[e]to logo de mantegnei questa citae in paxe e in tranquillo e così spero se farà de chì avanti. Aora che o vichario sufficiente me consegerò con ello, e se troverò modo o via sea per regule sea per le comession daete da li presesoi vostri, per le quae posa prosede cum justitia contra Nicheroso da Torrigia e che ve lo possa mandar a Zenoa a star a la staza a raxon, lo farò animozamenti. Persochè in veritate Dei e' cognoso ello esse perzenciosissimo homo in questa vostra magnifica citae, e Criste me profonde se lo digo per odio ni per mala voluntae, solamente lo digo per lo ben de la terra e de li popoli. Persochè ello no trova salvo rampengoli, e si se dixe che in questa caxon de lo episcopato et etiam in la caxon de lo matremonio de quella garsonna, de la quale vostre segnorie an scripto, ello a promession se oten soa intention averà de guagno sommi CCCC de Caffà sive ducati mille, e per questo trova quante cavilatioin ello po, digando aora [che] li legati no an bairia, aora dixe [che] le letere son false, aora dixe [che] è staeto faeto lo vesco per mangiaria de dinae, aora dixe [che] la sententia deta per lo vesco in la cosa de la garsonna è fasa, e tutte queste cose e cavilatioin fa per menâ la cosa in longo, fin che sea fora de officio. Persochè ge pa avei in man che como serò fora de officio ello debia otegni soa intention, e così sta la cosa in continuo motu.

A lo faeto de la sententia daeta per lo vesco in lo matrimonio de la garsonna no s'è ancora innovato altro, ni faeto la execution la quale a comiso le segnorie vostre, persochè son staeto in altri meriti chi tocavan piu a la terra comunamente per le cose da campagna e per la caristria la qua è regnata in questa terra, per la qua cosa me occupava piu in le predite cose cha in quella, considerando che quella se po sempre fâ e no pasa tempo. Aora che semo fora de tanto fastizo e travagio in lo qua semo staeti, como dirò qui de sota, me darò logo con monsignor e li compagni mei de adempir li comandamenti e le comessioin vostre, e per lo primo modo vostre segnorie seran avizae de tuto a compimento.

Aora notiffico a vostre segnorie, como per altre ve scrisi e an inteizo vostre segnorie, como in lo tempo de messer Joffredo, morto che fu Mamacho segnor di campagnia, lo imperao se trovà in Caffà, in lo