 |
Questa pagina a l'è stæta corretta. | |
( I 23 ) DOCUMENTI
è andaeto in le parte de la Tanna a jongesi inseme con Janibec sortan, e così a faeto e con ello e con quelli de l'altro imperao de l'Ordo e così amo notitia per li nostri de la Tanna. In questi jorni semo avizae como elli vegnivan a molestiar lo imperao nostro, e de questo e staeto grande affano apreso lo imperao e lo segnor Eminec, ita et taliter che aora se meten a cavalo con so exercito, se dixe volen andare per contra soi inimixi, no se intende ancora ben lo proposito, me credo no se debian far niente, perchè pare pur che da lo imperao a lo segnor sea qualche cosa per respecto de la dona che o dito de sopra. Tamen aliquando mangian e beiven inseme como se in elli non fose niente. Mi son de opinion che no anderan in oste inseme, e se pur deveran cavarchâ, credo che lo imperao ge manderà soi fradelli. Mi e li nostri compagni massarij e officio de campagna con li vegiardi nostri no consegeremo mai a lo imperao chi vaga in questa cavarchâ per piu respetti e per so ben. De quello chi se farà in apreso per altre ve serà manifestao conpitamenti.
Poi la partita de meser Baptista Justiniano abiamo caregato in la nave de meser Lucho de Auria le copie de li libri de la massaria, soè de lxviiii. de lxx. de lxxi e lxxii. li quae sono arembati in una casia a meser Gregorio de Pinu cum ordine ve li debia consignare a le segnorie vostre, porreti ordinare de ave[i]rli.
Questi jorni che se lezeiva la sententia de li sindicamenti de lo spettabile meser Baptesto Justiniano predecessor meo, fo faeto grande strepito e rumore in logia. Fo inculpato conte de Flisco, contro de lo qualle s'è formato la inquesta conveniente, no è ancora conpito lo proceso, se farà raxon, e de questo non dubite le segnorie vostre che serà punito chi averà falito.
Non seserò a regordare a le segnorie vostre se adopren a mandare dexe o doze maistri masachani, persochè staran ben in questa terra. Certo monti borgeixi lascian de far belli edefitii per non esser maistri, questa cosa serà ornamento de la terra vestra e fama, per che prego vostre segnorie fatian ve[g]nire li diti maistri omnino.
Fo ancora avizate vostre segnorie como Baptesto de lo Foselo no pareiva idoneo a exercire lo consolato de la Tanna. Per la qualle cosa se g'è conceso se ello vole vende lo officio lo posa fare, vendandolo a persona idonea aprobata, como se conten in la regulla. Se le segnorie vostre volen disponne altramenti, cometteti quello [che] voren se fase.
