 |
Questa pagina a l'è stæta corretta. | |
( '2 ) DOCUMENTI
dage soa maere per mogiê, e de questa cosa alquanto se n'è tochao lo imperao quando è vegnuo in Caffà. Lo qual respose: "Avanti ge tagiereiva lo colo e perdereiva lo imperio che far tar cosa!", persochè no fo mai visto che dona mogier de imperao restando vidua se maritase in soi messi, como era questo. Si che visto la intention de lo imperao fo per noi faeto resposta a lo dito segnor per tale forma che ello inteize no poi otegnî soa vogia, e ne promise che no parlereiva piu de talle cosa, tamen como fo retornato de Caffà a caza soa asae tosto tornà a far talle requesta, digando che se lo consolo de Caffà e li vegiardi vorran, lo imperao farà tuto quello chi ge requireran, e si s'è miso in tanta fantaxia che ello scripse che se no famo che ello avese questa dona, ello intendeiva che li pati e sagramenti che amo insieme fosen roti e molte altre parole mâ dite per parte soa.
Noi semo semper andaeti a bonna via overando semper de farlo pacificare con lo imperao e con noi, fasando ogni studio nostro a tale effetto, tamen non amo ancora posuo far tanto che ello se vogia contentar. Intanto che ello s'è miso su la traversia e si ne a retegnuo le vitoarie, che de soa comission è staeto che nisun posa adur grani ni megij in Caffà, e in questa interdition ne a tegnuo e ten fin a la jornâ de ancoi. Per la qual cosa nè staeto necessario e forsa norezar e fare partito a molti mercanti e patroni de nave e navili chi vadan per grani in altre parte, zoè a Mocastro, unde n'è asai e de quello locho speremo averne a sufficientia, e così ancora per altri lochi.
Certo la terra nostra è restâ con poche vituaglie, perchè la piu parte de li borgeixi an vendute le loro provexoin a quelli de Trapezonda, persochè li acatavan a otto aspri lo capizo da li Tartari e poi li revendeivan a dexe o doze a li Trapezundeij, e per questa avaritia la terra e restâ molto vacua de vitualie che fin a le povere femene chi ne aveiva trei o quatro capisi li a vendui, con opinion chi a la recoleta de li novi se dovesen fornir a megior merchato. È intervegnuo che e staeto serrato la treta e a questo modo se semo trovati cum pochissime vituallie, tamen divina gratia permittente spero che tuto procederà in bene. Novamenti amo mandato Andria Fatinanti a lo segnore, perchè è so intimo amicho, e credemo che debia darne treta de grani e de megi. Ancora in le parte de lo Vosporo e in le parte de Zichia è debita soma de victualie, da questi lochi ne averemo bonna parte. De quello che seguirà seran vostre segnorie avizae primamenti per altre mee.
