 |
Questa pagina a l'è stæta corretta. | |
anno 1474 ( 120 )
pon intende como lo dito Caihares vole raxon, e per esser molto richo e perchè presta speso dinari a molte persone de questa logia, ello è tanto superbo che con denari e con amicitia de personne a ello obligate ello volle le cose a so modo, e si è tanto presuntuoso che Deo vogia che con lo tempo ello no sea caxon de male asai. Se parese a vostre segnorie citarlo a Zenoa lo lauderia per ogni bon respetto, asochè li altri non prendesen tanta odàtia quanto se trova in ello. Le segnorie vostre poran avei information da quelli chi vennen aora a Zenoa e si intenderan lo vero, tamen non ne demandati a meser Guiraldo de Vivaldo, persochè ello è tropo so amicho, pur e' credo che alle segnorie vostre debia dir quello chi è, massime seando da la longa de ello.
Per li dubij chi se an de garbugio in campagna, me son ancora piu fondato a non lasciar innovare niente, parendome megio che sea piu tosto mal contento dexe o cento cha mille in doa millia.
Fo avizate vostre segnorie de la elettione fatta in Caffà de novo segnore in campagna, e de quello [che] occorse l'ano passato ne seran vostre segnorie primamenti informate da meser Baptesto Justiniano e da altri mercadanti venuti e chi vegniran a Zenoa, per che in quello no me estenderò altramente. Aora acade a dire quello [che] occorre e è occorso da piu di in sa. Questo segnor Eminec, segnor de campagna, fè large e grande promise avanti che ello fose segnore, prometando che ello sereiva bon figiolo de Caffà e che no se partireiva da la lor volontae e consegio, e che fareiva semper tute quelle cose chi fosen im piaxei de lo consolo e de li vegiardi de Caffà. Persochè ello aveiva asae stentato per lo mondo, aora voreiva stâ in reposo e ge bastava esser a caza soa e avei nome de segnor e de altro no se curava, che zurava e prometeiva de esser sempre obsequente e obediente a lo imperao e no contravenir mai a soi comandamenti. Poi che è staeto electo, asae tosto de lì a poco tempo a incomensato a far requesto a lo imperao aora de una cosa aora de una altra, che se po di cum veritate che mai no è staeto uno jorno sensa molestiar lo imperao chi ge dage a[n]coi questa cosa, deman quella altra, ita et taliter che quasi ne a frustao de ambasciae, persochè semper che amo inteizo qualche cosa da ello imperao semper se semo misi da mezo con ambasciarie a mezase e concordali inseme, e questo per bene e paciffico de la campagna, e mai fin a chì amo posuto far tanto che ello vogia stare ben in paxe.
Ultimamente ne a requesto che se adovremo chi lo imperao ge
