 |
Questa pagina a no l'è stæta corretta. | |
Che descrive ben no posso,
Da lasciâghe i êuggi addosso:
A l’è a primma Compagnia,
Tutto in neigro a l’è vestia,
A s’intitola coscì:
Compagnia do Venerdì,
De velûo l'è i tabarrin,
Con recammo а cartolin,
Tutto in öu grandioso, e ricco,
Cappe in raso, quanto spicco
Ghe fà mai quello lavô
Do so stemma S. D. V.!
Belli impronti figuræ
In argento e ben tocchæ,
Conçerton chi fà piaxeì
De braviscimi Sunoeì.
Atra bella Croxe spunta
Da Madonna de l’Assunta,
Gh’è ciù argento, che tartûga,
Comme a lûхе! a l'imbarlûga,
Intressâ con de ghirlande
D'öive, e scioette, cosa grande!
Miæ che titolo, che canti!
Ben lavoæ, nêuvi fiammanti,
