 |
Questa pagina a no l'è stæta corretta. | |
Chi è ponsò, ma mi me pâ,
Che se pêuan megio ciammâ
D’öu e argento recammæ
De velûo, che moscitæ!
Cappe cremesi pompose,
De velûo lunghe, sguassose,
Travaggiæ a ricchi remaggi,
Da per tutto bêuttan raggi,
Torce a terra, torce all’aja.
De grandezza straordinaja,
Che sguassosa Procession
Sensa sciato e confusion!
Bello vedde tutti i Fræ
In sæа neigra ben calsæ,
Guanti gianchi, fubbie d’öu,
Che decenza! Che decöu!
Van in ordine con passo
Militare, e torce a sguasso,
Che e candeje son finïe,
Perchè a Мaen-na e ha bandïe ,
Torce abbrettio a gren stoppin
Da cangiâse ogni pittin,
Che magnifica Sciortia!
Che ricchezza, e polizia!
