 |
Questa pagina a no l'è stæta corretta. | |
E a son de tromba con ra lança in resta
Zà Marte e Morte giubila e fa festa.
XV.
Vottaggio, oh che fragello
Veggo vegnîte adosso!
Za ra fossa e ro fosso
Van tutti in un maxello:
Sangue, che aora era rivo, è sciumme grosso.
Odi de primmo tiro
Andâ ra Valle tutta in un sospiro:
Comme con ri figgiœu streiti a ro mento
Morta ogni donna d’asmo e de spavento:
Comme ogni verginetta tremma e sbatte,
Chi n’ha moǽ visto cose sæ combatte.
XVI.
Ti, mentre l’iñemigo
Comme un can te s’avventa,
Desperao t’aççimenta
A l’ultimo perigo,
A no poei reze ciù tanta tormenta,
Con mostrâghe ra façça
Affronta, scanna, ammaçça chi t’ammaçça.
E quando agge ro Çê così prescrito,
Che cazze aora Vottaggio a torto e a drito,
Cazzi; ma fa che mire rebattuo
L’iñemigo in ro tò ro sò derruo.
