 |
Questa pagina a no l'è stæta corretta. | |
A camin: parti: esclamma:
Viva, viva ra Famma
De sì gran Duxe sença moǽ invegîse
A secoli dri secoli feliçe.
Invia ra Muza a ro bosco,
per cantâ dre arme.
I.
A ro bosco chi rie,
A ro lago chi brilla,
A ro sciumme chi axilla,
Zù pe re pradaríe
Chi scuggia chì e lì comm’un’anghilla.
Aora che in ogni parte
Tutto ro mondo è dominao da Marte,
Vegni, Muza, a gustâ per un’assazzo
Questa saxon bellissima de Mazzo,
A góve chì, donde ra guerra taxe,
Ro rescióro dre ville in santa paxe.
II.
Atri intanto travagge,
Vegge intorno a re porte;
Atri se faççe forte
