 |
Questa pagina a no l'è stæta corretta. | |
Ballin Ambasciao dri Pescoei
a ro Serenissimo
ZORZO ÇENTURION,
Duxe dra Repubrica de Zena.
I.
Da questi scœuggi, e care ciù vexiñe,
Onde spesso re ægue contrafæte
In campagne de læte
Poæran ciappe de spegio crestalliñe,
Ond’aora apointo pâ
Addormío comme in letto in Mâ ro Mâ,
Se non se tanto ò quanto ra sò paxe
Desturba lenguozetto
Quarche maroxelletto,
Chi pâ che iñamorao l’erbetta baxe;
Tirao da tanta luxe,
Serenissimo Duxe,
Che aora de nœuvo spande ra Çittǽ,
Vegno, e m’inchiño a tanta maestǽ.
II.
Chi me sæ, ve ro dixe per menuo
Quest’abito, esto pescio, esto çestin:
Ro mæ nomme è Ballin,
Pescao per quarche famma conosciúo;
Ballin matto atretanto
