 |
Questa pagina a no l'è stæta corretta. | |
Del Cavalli
Al Signor Francesco Boggiano.
Boggian, vâ poco che sotto ra Noxe
Faççe Amô con incanti ro ciarlê,
Ò ch’o scorre Maxiña pe ra Foxe,
Per fâra in ver Ballin vóze adderrê:
Che ra crua, missa sciù ri sette Çê
Da chi gh’ha perso aprœuo tosto ra voxe,
Con formâse un Pareizo da per lê,
A no dà ciù de griffi ni de croxe.
Tanto che ra mæ Muza, chi sarǽ
(Come aora l’è da Voî tanto onorâ)
Per lê ciù che ben vista a ra Çittǽ,
Vistase con strapaçço cavarcâ,
A rompicollo aora per sempremoǽ
A me lascia a ra liggia caminâ.
