 |
Questa pagina a no l'è stæta corretta. | |
Ma zà che in cosa, che tanto te premme,
Atro no resta che affaççate líe,
Per veine bello chíe
E ra veiria e ra festa tutt’assemme,
95Desconçate per aora ò tanto ò quanto,
Se Ballin se desconça lê de tanto.
Cançon, zà o Levante s’arve cæro;
Ma chì no s’arve porte nì barcoin.
Va via, ch’a no dà credito a cançoin.
CANÇON II.
Treppo sciù ra ciazza.
Ra me Bella amoroza, comm’un zin,
Quando, per dâ ra stazza
A ro fresco dra ciazza,
L’è con ri atre assettâ sciù l’arenin,
5Per fâ, dro bell’umô sciù mi assíe,
Veggo che, in accostâme,
A comença a squadrâme,
Che, segnando a re atre, a se ne rie,
Comme a dì: Aora façço in sciù ro mê.
10Belle, dæghe a Ballin, ch’o l’è chi lê.
