 |
Questa pagina a no l'è stæta corretta. | |
XVIII.
Quando in ro fâ dro dì, bâgiando ancora,
Ven Maxiña a ra ciazza per rescioro,
L’Arba, in cangio de stâ sciù ro decoro,
Ghe rie in cera, e in fin se n’iñamora.
L’un maroxello e l’atro ne vè[sic] l’ora
D’arricchîse a sì nobile tezoro:
L’arenin, chi è d’arinto, aora pâ d’oro,
Aora perle da mettese a ra gora.
L’óretta in abbuscciâghe ri cavelli,
Scuza, pâ ch’a ghe digghe, oh Bella cara,
Questi falli, che a mi son tutti celli.
Parte intanto ra Bella. Oh come cara
Re gronde ogni pescao! comme restelli
Affriti, sciuti, con ra bocca amara!
