 |
Questa pagina a no l'è stæta corretta. | |
XVI.
Sciù ra çimma dro monte apeña sparega
Quella beneita luxe dra mattin,
Gragnorando re perle e ri rubin
Pe re conche dri scœuggi, e sciù per l’arega,
Che con ri œuggi comme de bottarega,
Frusti de fâ ro verso dro bocchin,
Sciù ra ciazza compâ ro tò Ballin,
Che con l’Arba e ro Sô sempre t’apparega.
Maxinâ, oh che pietǽ veiro lì stante,
Mentre l’Arba rebatte in ro tò teito,
A stupî, quâ dri doî sæ ro Levante!
Intanto aspetâ lì con ro cœu cheito,
Che un Sô se leve, l’atro ghe ro ciante,
Per vei quello miracoro beneito!
