O mondo a-a reversa
| O mondo a-a reversa e i ommi vegnui figiœu, oscia, e montagne russe a Zena Cançon |
| Zena, Stampaja Cazamaa, 1826 ca. Exemprâ conservao inta Libraja Statâ Bavàize. |
O MONDO A REVERSA
e i Ommi
vegnui Figgieû
OSCIA
E MONTAGNE RUSSE
A ZENA.
.jpg)
ZENA, Stampaja Casamara
Con permiscion.
CANÇON.
Taxei, taxeì, figgieû,
[C]he mi no parlo a voî,
[Pa]rlo a chi l'eû vegnì,
[...] me ne cianze o coeû.
2
Ah! scì, che veddo ancheû
[...]ami de tutte e classi
[...]eti ai piaxeì ciù bassi,
[...] ritornâ figgiêu.
3
Me fà do despiaxeì
[Par]lâ con tanta gente,
[C'a] pâ ca n’aggie in mente
[Giu]dizio, nè saveì.
4
[M]'accorzo in mæ veitæ,
[Che] o mondo o và ä reversa,
[...] tanti a testa persa,
[...] piaxe a novitæ,
5
[...]rè, chì m’ëse dito
[...]ta, tanti anni fà...
[...] cos’a vegnià,
[...] de lê sâ scrito?
6
[L']aviè piggiôu pe un matto
[Da m]ettio in t’un-na gaggia,
[...]è de lungo o sbraggia
[...]enta come un gatto.
7
Eppù de stravaganze
Se n’emmo visto tante,
Mi creddo che atrettante
Da veddine n’avanze.
8
O mondo o và ä reversa
I ommi son figgieû
A gente a l’è perversa
Devo sbraggiave ancheû.
9
Suscita un Inventô
De cose che dilettan,
E pe un momento allettan
Evviva o Professô!
10
Tosto che a voxe a passa,
Se dixe, oh che portento!
Pe dâ divertimento
No gh’è o ciù bravo in ciassa
11
Ammiæ che talenton!
Che macchina compìa
In pochi meixi ordìa
V’hà esposto a perfezion!
12
Montagne che s’intendan
De Ruscia, se l'è vea,
Ma no n’han manco idea,
Son ciancie che se vendan.
13
A macchina composta
Con tanti ordigni, e ciodi
Co-a fin de fâ di sodi,
E tante speise a costa;
14
Un’ombra a l’è in sostanza,
E manco de montagne,
Che a contemplâ s’avanza
Lazzû in quelle campagne.
15
Mi questo o sò de çerto
Da tanti viaggiatoî,
Che avemmo chi fra noî,
E che me l’han referto.
16
Capiscio ben mi ascì,
Che l'imitâ a natûa
A l'è un’impreisa dûa,
Nè semmo in caxo chì.
17
Lascio de criticâ
Chî è stæto l'Inventô,
M’affermo a examinâ
Personne do mæ cô.
18
Donne, e Ommi d’ogni etæ
Pezaghe za i quartetti
Mostrâse appascionnæ
De tanti bazighetti.
19
Un tempo se dixeiva
Son spazj da figgieû,
E mentre che se rieïva,
E tripudiava o coêu
20
Se ne veddeivan tanti
De quelli cîu de merito
Guastaseghe o preterito,
O fâse mâ d’avanti.
21
No sò scnn’a quest’öa
Se quarche bello caxo
No bazigando adaxo
Successe in ta demöa.
22
So ben che se pëu dâ
De nasce un incidente
Con fâse mâ da gente,
E ca se sente criâ.
23
Ma lascio che o bazigo
Se o piggie o Sciô Reginna,
Lê co n’è tanto amigo
Co o gode so gh’inclinna.
24
Passo a parlâ da Slitta
Che se ne fà un portento,
Ma se no stesse attento,
E drito, e fermo in vitta
25
Andieiva incontro ä morte
L’intrepido figiollo,
E ogni slittante o collo
O se rompiæ ben forte.
26
Hò visto vacillâ
In to corrì cîu d’un
Dä puja ascì sbraggiâ,
E impallidì quarcun.
27
Dunque se çerca o mâ,
Se mette in peigo a vitta
Voendo provâ da slitta
A modda da giornâ?
28
Eppû nisciun se stanca
Cîu votte de slittâ
Coraggio no gh’ammanca
Da bravo ognun vêu fâ.
29
Ma [se] se spendan scaggie
E coscì mâ a bezzeffe
No se vorriâ che sbraggie
Povei mincioin con l’effe?
30
Ma sento un-na voxetta
Chi pâ da sciâ Angeinnin:
O Mego Tavernetta
Me l'ordina ä mattin.
31
Bravo! che bonna testa!
Che Mego accreditou!
Diggo co cûa de pesta,
Cos'alo mai studioû?
32
So pretendià curàme
Da o mâ de l'Etixìa,
[F]açendo basigàme
[G]he diò co vagghe via,
33
Non ho pe l'intenzion
[P]iggiâ de scosse in slitta,
[Ch]e pe ammermame a vitta
[N]o son coscì mincion.
34
Ma chi tronchemmo e ciarle,
[...] a digrescion c'hò fæto,
[Be]seûgna che ve parle
[D']un atro brutto cæto.
35
Oh quanti van in slitta
[...] spende mâ i dinæ,
[...] arrezegâse a vitta,
[...] se ne päan despeæ.
36
[S]e o Confessô o ghe o desse
[...] penitenza un giorno,
[...] mai da lô a se fesse
[...] me o creddiò pe un corno.
37
Ma Padre rispondieivan
Mettemmo in peigo a vitta;
Vagghe chi veû in scîa slitta,
E intanto ghe cianz[i]eivan.
38
E Donne ch'en cîullose,
E san ciu assæ che o Diäo,
Ghe dieivan Padre cäo
No semmo coraggioze.
39
Scia scangie a penitenza,
E a son de piagnistei
Ciu tosto con frequenza
Se contemplià i Mistej.
40
Ah! quello ch'êuggio dì,
E mi me spiccio presto
Son tosto in scîu finì,
E cîu non ve molesto.
41
O l'è die ognun no pensa
Che a soddisfâ e pascioin,
E intanto e se dispensa
Da e bonne operazioin.
42
Pe seguitâ l'usanza
No mancan mai pretesti,
Tutti son Ommi onesti
Segondo a circostanza.
43
Domanda l'orbo o pan,
Sempre pe amô de Dio,
Tutti pe dâ no n'han,
E se ghe dixe addio.
44
Gh’è a Donna suggettosa
Co-e fädettinne sminse,
Che pendan tutte sinse
E a ten a faccia ascosa.
45
In stradda a stà in zenoggie
A reçitâ cönette,
Ma manco de fregoggie
Ghe ciêuve in te tassette.
46
Se dixe a l’è impostûa
No gh’hò un quattrin da dâ;
Oh che risposta crûa
Per chi s’hà da sfamâ!
47
Ma pe dâ gusto ai sensi
Pe contentâ i caprizj,
O fomentâ di vizj
Dinæ ne veddo immensi.
48
Solo pe o fradellin
No gh’è soccorso, o agiutto,
Ammiæ in che intrigo brutto
S’attrêuvan i meschin!
49
Cappita all’Accasêua
Un gran divertimento,
Questa a l'è roba nêua
Zeneixi intremmo drento.
50
Zêughi, bazigo, e slitta,
Vinetto, e birra bonna,
Oh buâ, che bella vitta,
Che spazio a ogni personna!
51
Chi se ghe spendan ben,
Gh’è grande, gh’è frescoso,
Gh’è un scito delizioso,
Chi n’hà appettito, o ven.
52
Sotto l’erboetto ombroso
S’assetta in scîa carega
O zoveno amoroso
Che a scignöettinna o prega.
53
De favorì un sciorbetto
(Bevanda da stagion)
Con quarche pastissetto,
E o fà conversazion.
54
De quello che seguià
No ve sò di de ciu,
Chi hà da pensaghe sciu
L’exame fâ porrià.
55
Passemmo a un’atra vista
Lascemmo de slittà,
E vegnan chi in revista
Quelli che trattan mâ.
56
O mondo o và â reversa
I Ommi son Figgiêu,
A gente a l'è perversa
Torno a ridilo anchêu.
57
No van ciu e cose in ordine
Come pe i tempi antighi;
Veddo ciu d’un disordine
E dappertutto intrighi.
58
Oh quanti gh’en che mangia[n]
E mangian da doe parte,
Ingannan con tant’arte,
Che mai de cô no scangia[n]
59
Oh quanta povea gente
Rovinna un Avvocato!
O mostra lì in t’un säto,
Che a Lunna a l’è un Serpe[nte]
60
Se gh’è chi no se o cre[dde]
O porta de raxoin,
O preûva, o ghe o fà ve[dde]
Con çento paragoïn.
61
S’andemmo a litigâ
Gh'êu corbe de dinæ,
Se nò se pêu aggiustâ
S'attrêuva assascinæ.
62
Coscì cos’hò da dì
De questi saccentoin?
Ghe piaxe i boin boccoin,
E a gente fâ languì.
63
E dunque n’hò da dì
Che o mondo o và ä reversa,
Che a gente a l’è perversa
[...] a no se pêu soffrì?
64
Ma ammiæ, che salvo i boin,
[P]arlo de chi è cattivo,
[C]he di atri no n’arrivo
[A] scindicâ i azioin.
65
Dunque n’hò dito a cax
[Ch]e in tutto regna intrigo,
[Chi] sà tradì l’amigo,
[Ch]i se mincionna adaxo.
66
Ohè, che mondo tristo!
[Oh]è, che razza d’ommi!
[Son] pochi i galant’ommi
[Che] mi conoscio, e hò visto.
67
[D]unque n’hò da dì
[Che] i ommi son figgiêu,
[D]unque n’hò da dì
[Que]llo che s’usa anchêu?
68
[P]retendan e Moggiæ
[...] comandâ a bacchetta;
[...]i han piggioû a beretta
[...]o meschin de lê.
69
In casa gh’è l'Inferno
Nò se ghe pêu quetâ,
Ma inferno sempiterno
Che sempre o fà penâ.
70
Son discoli i figgiêu
No n'han de sommiscion,
Da gran pazienza gh’êu,
Ma o seî chi nè in caxon?
71
Chi ben no i sà allevâ,
E quando gh’è occaxon
Hà puja de fâghe mâ
Cioccaghe un bon patton.
72
Parlemmo un pö de figgie
Che vantan civiltæ,
E de chi a l’è se a piggie,
E veddo mâ educhæ.
73
Cose s’insegna a queste?
Ballo, Chitarra, Idiomi,
E a leze çerti tomi
Che san d’iniqua peste.
74
S’insegnan complimenti,
E modde Pariginne,
S’avvìan scignorinne
Pe i Cavalier Serventi.
75
Ma dixe a scia Mominna
Coscì mæ figgia avvìo
Perchè nisciun partìo
Ghe posse andâ in rovinna.
76
E questa a l’è a mainea
De dâ l’edûcazion?
No ghe n'è manco idea,
No gh'è prinçipio bon.
77
Primma dä Religion
Se deve commençâ,
E faghe e cose impâ
Utili ä sarvazion.
78
In seguito se passa
Ao studio necessajo
Perchè aggie un-na regassa
Un naturale sajo.
79
Oh quanto saiva megio
O Galateo bandì,
Stâ meno avanti ao spegio,
Che e modde sostegnì!
80
Za sò che parlo ao vento
No s'êu capì raxon,
E da o sbraggiâ mi sento
Che hò debole o pormon.
81
Dunque o l'è tempo perso
L'è inutile o sbraggiâ,
Se o mondo chi è perverso
O no se pêu scangiâ?
82
Ma primma de finì,
E zacchè hò fresca a testa
Quarcosa ancon m'arresta
D'azzonze, e d’avvertì.
83
Quelli che vendan vin,
E roba da mangiâ
Se san comme inzegnâ
Pe deventâ riccoin.
84
A mi me ven da rïe
Se dixan, daggo o giusto,
Che sò ch'attreuvan gusto
A ben zugà co-e dïe.
85
Per questo serve assæ
D’andâ a sentì de Messe,
Piggiâ Indulgenze spesse,
E finze santitæ.
86
Ghe veûan di opeæ bonne
Ghe vêu giustizia retta,
Ma no cacciâ e personne
A despeäsion perfetta.
87
Ma questo Giubbileo
Che tanti han za piggioû,
Oscia che creddan veo
D’aveiselo acquistoû.
88
Dimando se vendendo
S’arroba con frequenza,
Dimando se a conscienza
Ai vagghe rimordendo?
89
Oh ben! chi veû di scrupo[li]
Che vagghe dai Speziæ
Tutti d’accordio replican
Semmo spregiudichæ.
90
Ah! diggo, ne m’inganno
Diggo che no se credde,
Diggo che se dà danno
Comme in giornâ se vedde
91
Chi se sarvià? chì o sà?
Se ben no se ne fà,
Ognun ä fin veddià
Cose gh'è succedià.
FIN.