Ms. Ricci 1080, sec. XVIII
Instromento dottale da Villano
[p. 13 modifica]
Instromento Dottale per Villano

In Homine, et inna Donnola amen.

Cum sit videliset, cioè consesueglia cosa come se ghe dixe, ch'er ba' Sapetin Pedevilla der quondam Ba' Tignollo ro qualiter è chi presente, chi nò ode nì sente, o l'hà pigliò per pattero, e desconcordia con Lazarin Bragasso der Ba' Cirollo ri qualiter son tucci chi presenti denanti de mi notaro chi sotta strepelante.

Ch'er diccio Ba' Sapetin gh'à daccio, e dà per nome de compagnia matrimoniaria, ò se possession corporea, Domerghinna suè legitimuera figlia ar diccio Lazarin cor diccio Ba' Cirollo in solidum minibussi con che deglia assegurà ra duoeccia ch'er Ba' Sapetin gh[']à duò su ri suè ben [p. 14 modifica]ch[']an, ch'haveran, ch'han spseranza per muè d'havei pro tempore futuri, e fin d'huora ri dicci Ba' Sapetin, e Cirollo se despondan, e dichiaran assegurara sciù ri suè ben der Prando dra Valle der Coiandro der biù Marzo, e der prò Sottan, ri què benibussi se vegnisse er caxo de restituì ra diccia duoeccia fin d'hora uoerbrigan ri dicci ben, e ghe ri fan veri forti, e ben ciantè senza suspetorò, che ro vento ghe ri porte via, e de ciù dixan, e se confessan d'havei havuo per nome dra diccia duoeccia prima d'huora tutto quello, che se dirà andando zù pe ra scricciura, ra quà promettan per nisciun tempo d'astrobisià tuccio quello che a dixe etc. et hoc est etc. tiè non etc., zuran etc., promettan etc.

Videliset trè vote sento lire de contantibussi inter pertuso der cruoeso dra man, e lie vintisinque à Montepicco sciù Messiè Sambugo sciù ra chiruoegna [p. 15 modifica]Mancinna.

Item sie votte quattro piegore con l'aruò

Item inna banca de legno d'avora in può rotta squesi nuoeva.

Item trè caxxe de pielore de Levante ch'hà pigliò l'atro estuo gran forfante.

Item inna gonella, inna gonellinna, inna vota feta à ra Mancinna.

Item in Lavesso, e in Lavezzin, inna pignatta e i pignattin

Item inna Cassa Cazza, e in chiglià, inna Copetta pre menestrà

Item in Letto cor saccon, che m'ha venduo er Ba' Simon

Item in desco squesi nuoevo da mangià, inna banca, in grammo brandà

Item inna rocca de Legno de Susè, con trè vota quattro fuse.

Item in Concon, e in Concasso, in Canello, e in Siasso.

Item inna Meizera con ra rascerinna, inna tofania con ra graterinna

Item inna seglia, e in copiello, in tagliò, e in cotiello [p. 16 modifica]Item in arbaxo de Stropusso, che ha accatteì dar Ba' Astrusso

Item doe pignatte, dre ciù ben faccie pre puoeì alevà er Laccie.

Item inna borza, e in borzesin de cuoerio pre tegnì dentro l'Oerio.

Item inna Mesuira, che hò trovò pre fa stà in zighignuera er sposuò

Iten in bindoù, e in bindasso pre tegnì liguò er coasso.

Item dre Seolle con de l'aglio, inna forma da fà er formaglio.

Item in sachetto, e in sacco grande pre mette dre Castagne, taruuò dre gliande

Item in ghindaro, e inna aspetta pre inaspà ra canevetta

Item inna giarra senza maneglia pre sparmià taruò la seglia.

Item in doglio feto de stagno, che ten l'egua come in cavagno.

Item inna Tortera, e in Torterin facci pre man dro Ba' Tognin.

Item in bon Strofoglio de Strasse intre l' [p. 17 modifica]armeria propter servitia nessessaria

Item onze, lire, parmi, pinte, gombette, corbe, cavagni, numero sei dra mezura der commun preche non seglie ingannuò nissun.

Et hoc est etc.

renontian etc.

promettan etc.

zuran etc.

Huora er diccio Ba' Sapettin sconzura er sposuò, e ra sposà, che deglian stà con ri uoegli averti, amorosaze insemme, e mettese l'in pre contra l'atro, e l'atro pre contra l'in, e fà uti sic transtori menebussi, à segno che non ghe reste ninte, e che ciù per patuò, e desconcordia dechiaran ch'er brimo fruto, che uscirà da ra sò possession corporea, s'o sarà in Fante, se ghe deglie mette à nome Tignollo Sapettin Cirollo, e Lazarin, e s'o sarà inna fante, se ghe deglie mette a nome Tignolla, Cichetta, Lichinna Moiretta prè acchistà ri strappassè etc.

Et hoc est etc.

Actorem à Prializera giurisdizzion de Messe Montuoglio in ra domo de mie Girotto Cogliandrin in presentia dre Testimonie che son in streppo de gliente non gueri da ben fra li qualiter [p. 18 modifica]er ba' Zenoglio barba zerà der quondam ba' Astruzzo,

Gierusso Bragazzo der quondam Strazzon, e Bertin Cagarello der quondam Sentin tucci testominij da quattro suppe.

Ego mie Gierotto Cogliandrin alla senza in testa desgramello der luoego diccio pan perduo dra presente via de Pria Lizzera, notaruzzo publicoro affermo quante suppe mani mea propria.

Gerotto Cogliandrin
not.
salvis.