Ms. Molfino 421/LXIX

by Anonnimo Zeneize

←LXVIII - De exemplo contra ocelatorem, contra mundum

Ms. Molfino 421 Rimme de Anonnimo Zeneize, a cua de Nichiozo Lagomao LXIX - Pro mondo contemptu, in similitudo sompni

LXX - Ege de la rumenta?→

Transcriçion e notte do Nichiozo Lagomao, pubricæ inte l'Arch. Glott. Italian II, 1876

Pro mondo contemptu, in similitudo sompni^[1]

Tuto lo mondo in veritae
vego esser pin de vanitae;
e parme che ogn omo sea
4si cubito d aver monea,
che, o da iusto o da re lao,
no se ge prexia peccao.
chi aver po dinar o terra,
8ogn omo dixe pu: afferra.
assai laxa dir e preichar
chi po l aotru agarraffa.
che chi axio avese
12de mar prender o poesse,
despoierea volunter
zexia e otar e monester.
e zo che man frutiva prende
16De sa ben como se render:^[2]
pochi, o nixum o rairi, son
chi fazam restitution.
eciande quando li moren
20a gran penna ordenar voren
che rendam quelli marastruj
chi ne remannen ta or drui;
a chi pu dor che la rapina
24e n quantitae si pochetina
de zo che mar a preiso a so oso^[3]
quelo chi ne va in fosao croso:^[4]
e cossi n a danacion
28tuta una generacion.
cognoscea cossa per ver,^[5]
che nixun po tanto aver
de tuto quanto lo bordiga,
32che in la fin ne porte miga:
ma ne va pur remuando^[6]
cha lo di che l era nao;
ni aotra cossa se no zo
36che faito a, portar^[7] no po.
per zo me son aregordao
d un sono chi me fo contao:
da^[8] un homo chi sonava
40che tesoro asai trovava,
chi in terra sparpaiao era,
e be ne^[9] inpi soa busnera
e la borsa e le man soe,
44tegnando streite intrambe doe;
tanta alegraza^[10] n avea
che cointar no se poea,^[11]
penssando vive in deporto,
48casse aquistar e vigne e orto,
e tegner corte e grandeza,
g enimixi^[12] bandezar;
si grande esser se creea,

52ni si ni aotri cognoscea.
ma quando lo fo dexeao
e en so seno retornao,
de tuto zo no trova miga
56como^[13] quelo chi sonava,
ma assai men per lo peccao,
de che en la fin e condenao,
che^[14] per laxar a li fiioi
60a pu crexuo li guai soi.
che zoa doncha far lavor
en tanta angustia e suor,
che za mai no a reposo,
64e semper a la morte in scoso,
de poi la qua el e straxinao
a semper esser tormentao?
chi no penssa de la fin,
68pezo e cha un ase meschin.

1. LXX, tit. pro mundi contemptu, in similitudinem somnii.
2. 16. rende.
3. 25. ms.: apreiso aso oso.
4. 26. cosi nel ms. Potremmo pure staccare: in fosa o croso.
5. 29. correggo: cognossua (o cognoxua) cossa e per ver.
6. 33. forse remuao (cioè nudo, dal mudare degli uccelli).
7. 36. ms.: aportar.
8. 39. de.
9. 42. ms.: bene.
10. 45. alegranza.
11. 46. porea.
12. 50. ms.: ge nimixi. -
13. 55-6. de tuto zo no trovava como ecc.?
14. 59. parmi s’abbia a correggere: chi.