Lunaio Regiña 1887/Battemberg

←L'Itallia e a stradda ferâ do Gotardo

Lunaio zeneize compilao da-o sciô Regiña & C. pe l'anno 1887 L'abdicaçioin do prinçipe Alessandro de Battemberg a-o trono de Bulgaria

endexo→

L’abdicazion
do Prinçipe Alessandro de Battemberg
a-o trono de Bulgaria

Sûnetto

E cöse serve o sostegnî co-a spâ
L’indipendenza, a nazionalitæ,
Mascima quande i conti s’ha da fâ
Con a forza brûtale e co-i dinæ?

Questa röba da creddise a no pâ,
Ma con tanto progresso e civiltæ
Dovemmo vedde ûn Prinçipe abdicâ
Pe risparmio de sangue e crudeltæ.

Dovemmo vedde a nobile Bulgaria
Doppo tante prodezze li a soffrî
Sotto i bastoin cosacchi, oh, che barbaria!

Oh governi, lasciæmelo ûn pö dî,
Quande co-i tempi l’interesse o varia
I deboli no son da compatî!