Lunaio 1811/Foa I. - O Focao e l'Ase
| ←endexo | Il favolista enigmatico - Lunario per le Dame - 1811 de O Focao e l'Ase |
Foa II. - Beneito→ |
| da-a Libraja Pubbrica de Niorche torna a-i atri lunai |
Foa I.a
O Focao e l'Ase
Un Focao de Varase
Miê che gusto nescio!
O s'ea inamoaò de l'Ase:
O l'ea sempre in remescio
Pe lavào, pe lisciào,
E ciù c[']o reventava
Ciù l'Ase o se bruttava.
Sto Focao unna giornà
O doveiva portà
Unna minna de faîna
A un Capitan de maina,
L'Ase o s'è infainoù,
C[']o dixeiva tra se,
Miandose inderè:
No basta a o mê Padron
Ogni po de frusciame ,
Con lavame, lisciame,
C[']o m'eu dâ a povee ancon?
Oura rimedio mi,
E dixendo coscì
O l'arriva a un fossoù
E a povee insemme, e o peiso
Pe levase da dosso,
Dov ea ciù fondo un fosso
In zu bello e desteiso
Ne l'êgua o s'e accuegoù.
Pensê s[']o gh'a patio
Sto Focao disgrazioù!
Ma un'ôta o l'à capio:
Che a l(')avà a testa all'Ase
Se perde l'êgua e o scioù.