Lunaio 1810/O fidé fin e o fidé ordenajo
| ←Indovinello | L'Enciclopedico - Lunario per le Dame - 1810 de O fidé fin e o fidé ordenajo |
endexo→ |
| torna a-i atri lunai |
[O] FIDÉ FIN, E O FIDÉ ORDENAJO
Foa.
[Bo]ggiva in ta pignatta
De Maja povea vegia despeà
Tra dôtrei remazuggi de fidè
Ch'a l'aveiva accuggeito da o Fideà,
Boggiva un fidè fin,
Con un fidè ordenaio assê vexin;
E questo o dixe all'atro: mi son chì,
Abbrassemose un pô; son comme tì.
L'atro o no ghe risponde e o sta a so lœugo,
Intanto manca o fœugo,
Maja a mo sciuscia ciù;
E o scio fidè ordenajo
Ancon ciù strafalano
O l'è deruaò a prezipizio in zù.
Birricchin che v'arsè
Pe a sc[i]orte c[']a ve sciuscia de derè,
Se a lascia le sciuscià
Comme o fidè ordenajo ei da deruà.