Laude zeneize/24

←XXIII. Della passion de lo nostro Segnor Iexu Criste.

Laude zeneize do XIV sec. XXIV. De la passion de lo nostro Segno Ihesu Criste.

XXV. Questo si è lo pianto de la Intemerata e glorioxa Maria lo quar se dixe lo venardì santo.→

ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

XXIV.
De la passion de lo nostro Segno Ihesu Criste.

O voi, chi amai Ihesu d'amore,
vegnine a pianzer la passione.

1.
Et son Maria, chi ò lo cor si tristo,
la quar aveiva per fijor Cristo
la mia speranza e lo me aquisto:
ello fo crucificao per li peccaoi.

2.
Et me fo dito: ave Maria,
da l'angero santo, chi a mi vegniva;
or gi respondo: lassa a mi tapina,
che amara sun in gran dolor!

3.
Lo angero me dise: de gracia pinna;
or ge respondo: lassa mi tapina,
che de dolor e' son tuta pinna
in lo tempo de la passione.

4.
Et l'angero me disse:
lo Segno si è conteigo;
or gi respondo: non è con meigo,
ma ell'à Pilato alla colona streito,
chi lo flagella in gran dolor.

5.
Et l'angero me disse,
che e' sun beneita;
or li respondo, che e' son trista e dolenta,
che lo mio fijor in croxe penda;
tuta e' son pinna de gran dolor.

6.
O fijor me, persona bella,
mandai conforto alla poverella ,
e anderò soreta e tapinella,
che ò perduo Criste lo mio amore.

7.
Et lo me fijor me respondeiva,
et docementi a mi dixeiva:
non pianzi tanto o maire mia;
e' ve lasso Zoane per vostro fijor.

8.
Et pianzando ge respondea:
che cambio è questo, o vita mea?
Tuta la gracia da voi aveiva,
et si receivo
un homo in cambio de lo mio fijor.