Laude zeneize/20

←XIX. La salutacion de la santa croxe.

Laude zeneize do XIV sec. XX. De la passion de lo nostro Segnor Iesu Criste.

XXI. Lo lamento de Maria Madalena de la passion de Criste.→

ms. D.1.3.19 Bibl. Berio - ed. da V. Crescini e G.D. Belletti, Giornale Ligustico X, 1883
torna a-a lista di atri scriti

XX.
De la passion de lo nostro Segnor Iesu Criste.

1.
Or pianza ogni homo
graindi e piceni
la passion de lo doce
Iexu Criste.

2.
La nostra dona pianzeiva
cum grandissimi sospiri,
et si dixea:
oimè dolenta mi!

3.
O fijor me de bone aire,
che don far ni dire,
che senza alcuna corpa
e' ve vego morir?

4.
Oimè Zuè,
mar l'avei cognosuo!
Lo mio doce fijor
per voi era vegnuo:

5.
li ciegi ve à sanai,
e tuti li siray;
morto l'avei,
oimè dolenta mi!

6.
O doce fijor,
or guardai inver mi:
la toa dolenta maire
si la conforta un pochetin.

7.
Or mandame la morte,
che e' voio pu morir;
non me lasciai pu viver,
fijor, derer da ti.

8.
O doce maire,
pregove, non pianzi;
zo che piaxe allo me paire
me conven soferir;

9.
lasciove Zoane
lo me zerman coxin,
chi serà vostro fijo
e vostro bon amigo.

10.
O doce fijor,
o doce amor gentir,
alegreza de li angeli,
luxe de paraixo,

11.
or me roman un homo per voi,
e si lasso lo celestial ;
oimè dolenta,
che cambio è questo!

12.
O Madareina,
o doce sor gentir,
forte pianzi cum meigo
voi e Zoane insieme

13.
lo vostro bon maistro,
che li Zuè mareiti
senza arcuna corpa
in croxe lo fen morir.

14.
Pianza lo cer
cum tuti li angeli,
lo sol, la luna e le stelle,
lo aire cum li oxielli,

15.
la terra cum li arbori,
lo mar cum li pessi,
lo lor Creator pianzan,
che ancoi vor morir.