Lûnäio zeneize 1932/E mosche
| ←O compâ böxardo | Lûnäio zeneize pe l'Anno bisesto 1932 de E mosche |
Dichiarazion→ |
« Mi vorriæ ûn pô saveì, dixeiva ûn giorno
ûn vëgio testa pëâ,
a-e mosche che ghe xœoeuävan tûtto intorno,
cöse v'han fæto a fâ!
Oltre a ëse seccanti, fastidiöse,
sèi causa de maōtïe
mortali, contagiöse...
che possæ ese sempre maledïe ».
Ghe rispose ûnn-a mosca: «Mæ cäo fræ,
ti n'hæ mâ giûdicôu.
Dimme, ti hæ mai pensôu
quello che succediæ
se, invece de sciörbî tûtte e porcàie
se nûtriscimo solo de leccàie?
L'è vëo, semmo noiōse,
demmo fastidio, no stemmo mai ferme:
semmo però anche ûtili e preçiöse
perchè sûssemmo o germe
da matëia, che a và in pûtrefaçion...
E questo emmo de bon!
Se poi ti no-o capisci
e de fâ senza nöî ti preferisci,
te dô ûn segretto, e bon,
che o no fallisce: pe mandâne via,
fà da gran pulizia!
|
Crescían sempre de ciù i disoccûpæ |