Due brocche de viovetta/Frasche de Mazzo
| ←Fêua de porte | Due brocche de viovetta de Frasche de Mazzo |
Zena vegia→ |
| ed. www.liberliber.it 2010 |
Tûtt'assemme, addio paxe!
lê o passeggia e o scigöa,
l'atra a recamma e a taxe,
ma a l'ha o scingûlto ä göa.
De sott'êuggio o l'ammia
quella sò cäa testinn-a;
o va o ven, o sospïa,
o torna, o s'avvixinn-a,
e a bassa voxe o-a ciamma
con nommi da figgiêu;
lê taxendo, a recamma:……
comme ghe batte o chêu!
tic-tac, tic-tac, – o-a tocca
con man chi sa fâ e frasche
poi, o ghe baxa a bocca,
o collo, i êuggi, e masche.
– No e no!.... mai ciù!... no fasso
paxe…. – e a se punze e dîe…..
ecco, l'é rotto o giasso,
e a fa bocca da rie.