Due brocche de viovetta/Da-o Garbo
| ←Zena vegia | Due brocche de viovetta de Da-o Garbo |
In morte d'ûn canajo→ |
| ed. www.liberliber.it 2010 |
Che recanto, che nïo, che cäo goghin!
che scito pin de sô, verde, tranquillo!
bello de giorno, bello de mattin,
bello de seja quande canta o grillo:
e questo vin nostrâ, questo bon vin
fæto in sciö posto, cô dell'öu, che axillo
ch'o fa vegnî! – beneito o bottexin,
beneita a spinn-a che g'ha misso o Gillo,
e a vigna e l'ûga e i pê che l'han sciaccâ
e l'amoa e o gotto e i anghæsi da cantinn-a,
chi l'ha bevûo, chi o beive e chi o beviâ.
Cöse me piaxe questo montechinn-a,
questi erboi de castagna e questo riâ,
e tûtta sta magnifica collinn-a!