Donaver Antologia 1910/Sûnetto
| Sûnetto de , a cua de Federigo Donaver |
torna a l'endexo→ |
| pe-e noççe de Martin-a e Loigi, nevi do Piaggio da l'Antologia do Donaver do 1910, sença indicaçion tipograffica. |
Unna rêusa accûggeita stamattin,
Bella, frescosa, e ancon tûtta appommâ;
Un giglio gianco comme ûn armellin,
Chi ha tûtte e fêugge pinn-e de rosâ.
Questi fiori levae d’in to giardin,
Per man d’Amô, da-a bella Dea do mâ,
Ve presenta, o sposoei, barba Martin,
Zà che atra cosa ûn poeta no pêu dâ.
A rêusa a l'é o ritraeto in miniatûa
De Marinn-a e a descrivo o sò pûdô,
A grazia e l’avvenensa da figûa.
Finze de Luigi a fedeltae l’arbô
Do giglio intatto, e dixe a lö Natûa,
Mi v’ho faeto, ma anchêu v’ûnisce Amô,