Donaver Antologia 1910/O zûgou da carte
| ←torna a lista di atri scriti | O zûgou da carte de da l'Antologia do Donaver do 1910 |
torna a l'endexo→ |
Parrucchiere, nato nel 1816, morto nel ?
No gh’è minestra, ne pittanza o pan,
Chi posse fäme prò ciù de ûnna steûa;
Conoscio che son pù ûnn-a testa veûa
Ma da emendame son ancon lontan.
Me sciallo solo quando ho e carte in man,
Che me zûghieivo fin de scarpe a sêua,
Defaeti ogni pittin ho a borsa vêua;
Ma a l’e a desdiccia chi me e fà da can,
No passa seja, o posso dì mattin,
Che diggo: no zûghiô ciù a nisciun zêugo;
Ma dove vaddo poi? a o tavolin!
O vizio me-o leviô quando ciù lêugo
No ghe sä de trovâ di marenghin,
Alloa e carte e bûzzariô in sciö fêugo.