Ciaravalle 1833/Sciaradde5

Ciaravalle zeneize pe l'anno 1833 de Martin Piaggio
Sciaradde

SCIARADDE.

Regna, canta, pesca, e oxella,
Comme voeì, o primmo ao mondo;

Un-na voxe l’è o secondo
De campan-na o sunaggin;

Se o mæ terzo a toa sciughieì
Troppo spesso ä banda andieì;

Ne regalla o tutto i Bæ,
Bon pe-i ricchi, e pe-i despeæ,
E schivôu da tutti ä Stæ.

O mæ primmo o l’è in testa do Lion
E o se trêuva in to coêu do Falcon;

L’è o secondo un-na fruta gustosa
Chi diventa bevanda preziosa;

A chi o terzo succede, se presto
No l'acciappan pe-o suffo, o l’è lesto;

E scibben che o deriva da-o brutto
Un-na cosa leccaæsa l’è o tutto,
Che battûa, suffocâ, e imprexonâ
A no fà atro che cianze, e che sûâ