Ciaravalle 1833/A Serenata

Ciaravalle zeneize pe l'anno 1833 de Martin Piaggio
A Serenata

A Serenata.

Un-na seja Checco Gælla,
Mezo sciollo, andò a cantâ
Co-a chitära descordâ
Dâ buttega da so bælla;

Quella incangio de sciallâse,
A fe mostrâ d’arraggiâse
E de cianze; Cattaìnin?
O ghe disse, e cose ti hæ
Che ti cianzi? vitta mæ!..
No te gusta o mæ cantâ? ...

A rispose ammagonâ
Cianzo un’aze, che meschin
Questo mazzo o m’è^[sic] creppò
C'un-na voxe comme a tò.