Chittarin zeneize 1881/85

Chittarin zeneize de Martin Piaggio
Sunetto

pe-o maiezzo da Ciæña Capura co-o Bepin Piaggio nevo de l'aotô

SÛNETTO ¹

Fasso ûn sûnetto pe ûnn-a nêuva nessa,²
Giûsto perché a se maja con mæ nevo;
Son parte interessâ, dunque no devo
Parlâne per pascion, ma con sccettessa.

Pe-o ciù i poeti no lödan che a bellessa,
A grazia, o mandilletto de rilevo,
A voxe, o bello pê, e, per dâ ciù sevo,
Scibben che no ghe n’é, virtù e saviessa.

Mi incangio posso dî sensa sbagliâ,
Che Ciaenn-a con Beppin son duî sposoeì
Fæti apposta ûn per l'ätro, e da invidiâ.

Costûmmi han d’öu, modestia, önô, saveì,
Abilitæ in pittûa da stûpefâ:
Che o Segnô i benedicche!..... n’ho piaxeì.

[p. 86 modifica]