Chittarin zeneize 1881/59

Chittarin zeneize de Martin Piaggio
Scherço - a-o mego Timon

SCHERSO ¹

Scià perdonn-e, sciô magnifico,
Questa mæ licensa poetica
De mandâghe ûn bertagnin ²
Chi m’é stæto regallôu,
E co-o stesso frexettin.

Se l’amigo o no mentisce,
O me o dà per pescio fin,
Boccon raro e delicôu.

Scià l’assazze, e scià o gradisce,
Scià me ciamme Pöchettin;
Ma o sò amigo attaccatiscimo,
O sò servitô ûmiliscimo,
Scacco a-o rè!... ³