Chittarin zeneize 1881/509 Sunetto

Chittarin zeneize de Martin Piaggio
Sunetto - a-o Gioxepin Poçeize

a-o Gioxepin Poçeize, buffo inta compagnia commica do tiatrin de Vigne, do 1829

SÛNETTO ¹

Bravo, bravo davveì! gente, ciocchæ
A-o strabravo bûffetto Giöxeppin,
Che a quanti ghe n'é stæto a Sant'Aöstin,
A tûtti o ghe fa a barba, in me^[sic] veitæ.

Comica intelligensa, nobiltæ,
Canto, gûsto, prontessa, lassi fin,
Meistro de canto, conte o savattin,²
In tûtti sempre a stessa abilitæ.

Bravo, Pozzesi, che a raxon se pêu,
Sensa sospetto d'ëse adûlatô,
Ciammâ gran professò^[sic] quanto se vêu;

Scià gh'azzunze, e de ciù compoxitô!
Se dunque o fa zà tanto da figgiêu,
Cöse o deve fâ, grande, de furô?

[p. 510 modifica]