Chittarin zeneize 1881/481 Sunetto

Chittarin zeneize de Martin Piaggio
Sunetto - a-o Nicolla Paganin

za pubricao co-o tittolo "A-o Merito Incontrastabile do Sciò Nicola Paganini Primo Violinista do Mondo. Sunetto." Zena, Stampaja Pagan, 1827, in ocaxon de l'academmia tegnua a-o tiatro de sant'Aostin o 16 nov. 1827. Un exemprâ de sta pubricaçion chie o doviæ trovâse into Conservatoio de Zena, don da Virginna Piaggio^[1], ma o l'è ireperibbile. (G. Musso)

[p. 481 modifica]

SÛNETTO ¹

Tûtta Italia dà lodi a profûxion
E porta a-e stelle o nostro Paganin,
Tûtta Europa l'aspëta con raxon
Comme autô e professô ciammôu divin;

Tûtti i fêuggi do mondo fan menzion
De mävegge ch’o fa cö sò violin;
E mi zeneize me ne stö a-o barcon,
Sensa grattâ ûn pö torna o chittarin?

Ma per lödâlo cöse ho ciù da dî?
Per fâme credde comme posso fâ?
Besêugna andâ a sentîlo per stordî.

L’Orfeo di Orfei o posso ben ciammâ,
Per l'armonia in personn-a definî,
Ma ûn comme Lê no o sò dove pescâ.

[p. 482 modifica]

↑ "La pagina e l’archetto" [1], Zena, 2004, p. 17: "...il sonetto di Martin Piaggio «Tutta Italia dà lodi a profuxion» (PA4 I), in Conservatorio dal 7 settembre 1955 senza numero d’inventario, ma proveniente dal Museo della Villetta (n. inv. M.V. 246) dove è segnato come dono di Virginia Piaggio."

[1] "La pagina e l’archetto" [1], Zena, 2004, p. 17: "...il sonetto di Martin Piaggio «Tutta Italia dà lodi a profuxion» (PA4 I), in Conservatorio dal 7 settembre 1955 senza numero d’inventario, ma proveniente dal Museo della Villetta (n. inv. M.V. 246) dove è segnato come dono di Virginia Piaggio."

[1]