Chittarin zeneize 1881/475 Sunetto

by Martin Piaggio

←Sunetto

Chittarin zeneize de Martin Piaggio Sunetto

Scherço→

pi-a fin do restaoro da nœuva artâ de N. S. de Vigne do 1836

SÛNETTO ¹

Gente, presto, se voei strasecolâ
E andâvene in gaudeamus da-o piaxeì,
Camminævene a-e Vigne e, se no poeì,
Fæveghe in bûscia^[sic] o in spalla camallâ.

Assettæve per vedde o bello artâ
Da Madonna, che mai no ve sazieì
De contemplâlo, e con ciù o repassieì
Sempre ciù campo avieì de mäveggiâ;

Marmi, statue, pittûe, bronzi, öu e argento,
Lampe, perle e diamanti appeisi in voto,
E celeste armonia trionfante drento.

Viva chi ha speizo e chi s’ê^[sic] dæto moto
Per sempre ciù abbellî sto monûmento
E a pietæ risveggiâ d’ogni divoto!