Chittarin zeneize 1881/155 Epitaffio
| ←Sunetto | Chittarin zeneize de Epitaffio - de Manfredi e Farcon |
Sunetto→ |
EPITAFFIO 1
Drento sta poca tæra se rinsæra
Duî boin amixi sempre stæti in guæra
Pe amâse troppo; ûn secco e l'ätro grasso
Da-a Magra vomitæ e da-o Lagasso;
Ûn trasportôu pe-e carte e per l'ortiga,
E l'ätro ûn gran mangion de primma riga.
Son morti apposta onde poeise scrive
Due lapidi infamanti e irritative,
Degne d’ëse brûxæ per man do böia
Per fâne perde sûbito a memöia;
Ma o sciô Reginn-a a i fa resûscitâ,
Perché possan fâ paxe, e per tornâ
Amixi ciù che primma, e se han piaxeì
De creppâ, non per bûrla, ma davveí,
Falcon continue a impîse a buzaronn-a 2,
Manfredi vadde sempre in Mascheronn-a;
No passa manco ûn meise, ghe scommetto,
Che creppan tûtti duî morti a sò letto.
.jpg)