Cava in to remoin 1930/CONGÊ

by Gioxeppe Cava

←Dexembre

In to remoin de Gioxeppe Cava Congê

Nota del revisore→

CONGÊ

Vorievo a fianco
de 'na bottiggia,
zûgâ da vitta

l'ûrtima sbiggia;

cö pölso fermo
piggiâla in pin,
sbâttila lunxi,
sfiddâ a-o destin.
Brindâ a chi resta
isândo ö gotto,
senza ö rezûggio
de lasciâ ö motto;
poi scappà a-a sorte
d'in mezo a-e grinte
e con ûn reuito

tornâ in to ninte!