Bolle de savon/O Prestito Nazionale
| ←In morte do roscignêu | Bolle de savon de O Prestito Nazionale |
Goffredo Palazzi a Carlo Malinverni→ |
e o raxonamento da revendajêua
Sti tedeschi son proprio ûn osso dûo?...
ma chi fà a guaera - dixe - o l'é l'argent:
e allöa, chi ha lí de costa quarche scûo,
o-i dagghe anchêu sansa aspëtâ doman.
A son de giamminâ, de stento e sûo,
pe guadagnâ quello boccon de pan,
m'ho ancon misso duî södi chì a-o segûo,
pe aveili sempre, a-o caxo, sotteman.
E o momento l'é anchêu de tiâli fêua,
de desfâ o mûggio e desgroppâ a cäsetta,
e andâ ä Cascia d'asbrio, vëgia Manena:
fä vedde, che scibben revendajêua,
ti sae fâ o tò doveì, povea donnetta,
pe-o ben d'Italia e pe l'önô de Zena.