Bolle de savon/Careghetta d'öu
| ←Commento | Bolle de savon de Careghetta d'öu |
In to stûdio do pittô→ |
O l'é äto ûn parmo, ma o comanda lê;
e o pä, a sentïlo, ûn oxellin chi pïa:
biondo, e duî belli êuggioîn ch'en cô do çê,
e se resta imbägiae quando o v'ammïa.
A bocca a sà de fresco, a sà d'amê,
a pä ûn merello, ûnn-a rêuza candïa,...
ma o vêu quello ch'o vêu, o pesta di pê,
o sata, o cöre, o balla, o cianze, o crïa.
Resätando s'o piggia ûn strambaelon,
lö, tûtti duî, papà e mamà, ghe van
apprêuvo, sempre attenti, in apprenscion:
o ciamman «cäo mae bae, angeo, tesöu!»
poi se o portan, zunzendo man con man,
in gïo pe-a stansa in careghetta d'öu. -