Bolle de savon/A tersinn-a de Dante
| ←O Grande Ortoan | Bolle de savon de A tersinn-a de Dante |
Punto e a cappo→ |
In ti campi ghe torne a cresce o gran,
a vigna a torne a rïe sciù pë collinn-e,
e cesse finalmente st'oragan:
no ciù sangue, per dio! - no ciù rovinn-e,
spaximi e battichêu de moae, - meschinn-e!
Vegne a paxe co-a ramma d'oîva in man;
de sta guaera n'ha o mondo e stacche pinn-e...
Ma però, senza puïa do manamman,
l'Italia a deve dî: - fin chì l'é mae:
ö dixe che l'é mae maddre natûa
con sta mûagia de monti e st'aegue sae.
Questi i confin (te piaxe o no, vexinn-a)
che Dante o m'ha segnôu con man segûa
in te quella granitica tersinn-a.
1916